Nong Lam To Hi (You Raise Me Up)

Featuring ; Henry Cinpi & Steven Vocal Band
Lalet ; Steven Vocal Band & Rev. Lal Pu (Zogam)

Verse 1
Zaitha nem in Dahna meei pi'n hong tuam ciang
Gim in tawl ingh vangik pua bang lel ing
Ahi zong Topa daitakin nang kong ngak hi
Hong lengin la ka siangah hong khawl aw

Chorus
Nong laamto hi gualzawhna mualsang dawnah
Nong laamto hi tuihual pi'n hong nawk hang
Ka thahat hi na liangko tung nong puak ciang
Nong laamto hi cingtak lo kei nunna

Read More

Na Ziatlam Khut Tawh

  

La Phuak - Rev. Hau Khen Thang

Lasa - Nem & Niang

Verse 1

Ahoihna Avangliatna gen zawh hi lo,

Amuan huai bel Topa

Hun te ki khel in aki siat hang

Cik mah hun aa, ki khel ngei kei

Verse 2

Leitung maingat in amah thu don kei zong,

Hong itna kip lai zen

Nau bang in nong kepna lian lua ee

Lungdam in Topa kong phat hi

Chorus

Na ziat lam khut tawh keima nong makaih aa

Gungal khat ah, Haksatna guampi gal khat dong ah

Na ciangkhut in keimah lam hong lah man in

Abei thei lo, Athak itna tawh kei nong it aa,

Atul thei lo na hehpihna lian kong phat hi

Verse 3

Nisim ka nuntak aki pan tu ciang dong

Awnsuk in an nong pia

Lungsim kha lau lo in ka khat nang

Nong pua hi na liangko tung ah

Verse 4

Ka lungsim tawng ah ka ngaihsut khempeuh te

Sit lo in nong pia aa

Ka mailam ding nong gelsak khempeuh

Asia om lo hoihna bek hi

Read More

Zomi Leh Tumging Part (III)

No3. Zomi sungah Broadcasting Station, Kawlgam ah lasa masa pen
           1962 October, 9 ni-in, Pu Cin Khen Mang in Burma Broadcasting Station panin radio ah lasak theih nading, la khum na kipan hi. Zomi sung pan, lakhum masa pen le a sa masa pen hong hipah hi. Tua bek tham loin, la tampi tak phuak in, gam ngaih la, Pasian' la, zawlla cih bangin dawng 60 val bang na phuak hi.

          1968 kumin, Zogam ah a kibawl masa pen labu, Tedim Chin Popular Songs, labu tungah zong Pu Cin Khen Mang' maan kisuaksak a, tuni dong mah in, ni thupi ni- Chin National Day cih a tun ciangin, mikim muhtheih dingin, Kawlgam Tangvan Kepna (Museum) ah Zomi makaite'n lak thei zel uh hi.

          I minam sungah hih bangin Pasian' thuphate kicingin, i Kawlgam mahmah ah zong music lam ah a madawk masa lama Topa'n hong koih manin nakpi takin i biak Pasian amin i phat hi.

Etkak thute;
U.S. Zomi Early Radio Singer, song write. (Youtube Zomi innkuan kum 5 cinna pawi, thulu (Zomi pioneer award(Music))

No4. Zomiten I La Timing, Beating-te Puahphat Hun Ta
Thulu : Beating 4/4, Style - Country
          Zomite i Zolate, timing a tamzaw pen, 4/4, 3/4, le 6/8 cihte kizang pahdeuh hi. Leitungah la a tamzaw a kiphuak khinsa pen 4/4 beat hi a, hih 4/4 beat in style (zia le tong) nam tampi tak nei hi. Zomite'n 4/4 a kicih nak leh country hi ei, ci pahpah kha zel a, tua zong i phawk thak ding i mangngilh khak thukhat ahi hi. Tua ahih manin "4/4 beat in country style" cih thu bulphuhin kikum to ni.

          4/4 cih ciang in - Bar measure, la tah kisimna, khawk khat ah tah 4 ta pha ding cihna hi. Hih 4/4 tawh lanam tuamtuam kitum thei hi. Gentehna in;

          Classic rock, soft rock, hard rock, country, 80s rock cih music-te pen 4/4 timing tawh a tamzaw kitum hi. Bar khat ah tah li(4 counts) ta a kigual ahih manin 4/4 time signature ci-in a kiciamteh na hi zaw hi.

          4/4 cih i muh leh, Country hiei cih pahna hi zenzen lo hi. Tua bek tham loin tu hun teh Blue i cih, late zong, nidang laidana 12 bar blue tawh kitum langlang nawn loin, 4/4 time signature tawh, a etlawm a zaknop dingin kitum ta hi. Gentehna in, Gospel la pawlkhat enleng, Lincoln Brewster, cihte le, Securlar lam pan John Myer, Beyonce cihte pawl.

Read More

Zomi Leh Tumging Part (II)

No 2. Leitung ah a Upa Pen Tumging

          Music cih i genkhiat theih nadingin nate tung panin, a aw kiza a, a gingkhia aw (sound) khatpeuh peuh a om masak loin Music cih om thei lo hi.

          Tua ahih man in, tua a aw a paingsak ding Tumging (Instrument) te khatpeuh peuh a om masak loh hong phamawh hi ta hi.

          Tua ahih leh tumging (musical instrument) i cih limlim bang nate panin hong piangkhia masa ahi tam cih, a lungngaih huai le a theih huai thu khat hi kha dingin ka um mawh hi. Tu hun ciangin guitar, drum, keyboard, cihte zangin la sa-in i om theih hangin, tuate a om ma-in bang kitum aitam cih zong i ngaihsut ding a thupi khat na hi zel kawikawi hi.

Tumging i cih bang pan hong piangkhia masa ai tam?

           Leitung ah, (Archaeology) tanglai, tangtawng thupiangte zon khiatna, a kan a siam mipil tampi tak in hih Musical Instruments (Tumging) tawh kisai, a muhna tung tawnin a gen uh teh, leitunga tumging a Upa penpen in Phiit (flute) hi ci-in mipil (scholars) a tam zaw in gen uh hi. Hih phiit pen ganhing (animal) te' guh panin ki bawl phiit hi ci-in mukhia uh hi. Tua bek tham loin, hih Phiit pen kum 67,000 (kum tulsawm guk le tul sagih) bang a upa ding ci-in mipil pawlkhat in ummawh uh a, pawlkhatte'n a genna ah, Phiit hong piankhiat zawh a Upat kum 37,000 (kum tulsawm thum le tul sagih) hi ding hi ci-in tanglai thukansiamte'n gen uh hi.

          1995 July kha in, Slovenian, minam ahi tanglai thuthuk kan, Ivan Turk a kici mipa in, ganhingte'n guh tawh a kibawl vangli nei phiit khat mukhia hi. tua phiit a upat kum, kum 43,400 leh 67,000 kim hi ding hi, cih le Sen gam (China) ah ganhing guh mah tawh a kibawl phiit mu uh a, a upat kum, kum tul 7,000 le tul 9,000 kikal hi ding hi ci-in ummawh uh a, a nunung penpen Germany gam lei-kuahawm sungah letmat (inch) 8.6 asau phiit khat mukhia uh a, phiit a upat kum, kum 35,000 pha ding hi ci-in tumging lam tawh kisai thuthuk a kante in a tuamtuamin mukhia uh hi.

          Tua bek tham loin, Lai Siangtho, Piancil 4:20-21 na sung, 21 na sung ah, "A sanggam pa' min in Jubal hi; amah in laiza lasakna leh tamngai tumte khempeuh; pianna pupi ahi hi," Mang Lai Siangtho KJV sungah, tamngai a cihna munah, (Flute) Phiit ci-in na gen lai hi.

          Tua ahih manin, leitung ah tumtheih tuamtuamte lakah, tumging a kimukhia masa pen, ahih kei leh a kitum masa pen ganhing te' guh pan a kibawl tumging-Phiit (Flute) ahi hi. Tua bek tham loin tumtheih tuamtuamte lak panin a upa penpen in, Phiit hi ding hi ci-in musical instrument a kan mi tampi in gen uh hi.

          Hih a tunga "tumging a kimukhia masa pen Phiit" cih thu i et teh, ei Zomite zong leitungah, ngeina (Culture) a nei minamte lakah, mi thupi mahmah minamte khat i hih lam kitel hi. Leitung ah, ngeina tawh kisai in, a ki-upa sak mahmah Greek minam, China, India cihte'n a ngeina sung u-ah a thupitsak mahmah tumging te lakah Phiit zong ana kihel ahi hi. Tua mah tawh a kibang in, ei Zomite'n Phiit pen i zat mahmah tumging khat hi pha diak a, la-aw lo a, tumtheih tuamtuamte tawh i laam teh, gentehna Phiit-lam cihte ahi zong i lam teh, Phiit pen a aw paipi (solo) khat a i zat mahmah khat na hi gige hi.

          Adiakdiak in Phiit i zatna i et teh, ei Zomite'n khauzang kithuah a, a kisai (string instrument) kineilian lo ahih man zong hi kha dingin ka um hi, ahi zongin tumgingte lakpan a upa pen Phiit, ei Zomite' ngeina sungah i zat mahmah tumging khat na hi gige ahih manin, ngeina tawh kisai-in a picing mahmah Zomite i hi hi. Leitungah ngeina kician a neilo minam pen mi mangthang a suak himawk hi. Minam a picing khat i suah theih na dingin, i ngeina sungah musical instrumental a kimin i neih loh a phamawh thu zong hong hi pah hi. Minam picing i cihte'n a ngeina uh a lenkip le ahun tawh kizui-in a puah a kem a zuunte na hi uh hi.

          Tua ahih manin, Pasian' hong piak i ngeina hoihte i biak Pasian' minthan nadingin a zangto siam Zomite i suah nadingin, Topa Pasian in minam tungah thupha hong pia ta hen.

Etkak pawl khat;

1.        May 25, 2012 Earliest music instruments found - BBC News - BBC.com

2.          www.bbc.com/news/science-enviroment-18196349

          Lungdam ey. Mai ah zom to lailai in ey. Lungdam.

Read More

Zomi Leh Tumging Part (I)

          Tuni ZOLUS Magazin, No. 19, 2016 ka sim leh Laimai 78-79 na sung aa thu lupi pen hoihsa ka hih man in hih blog ah hong hawn sawn ing. ZOLUS Magazin te kiang ah bang mah palna ki ngen lo hi mah ta leh hih teng mah pan in ki ngen hong suak mai in teh. Zomi te in tu laitak Music lam ah aki khangto san laitak ih hih mah bang in, Phatna leh Biakna mun te ah zong hih lai in thamkhat phattuamna hong pia kha ding hi ci'n hong hawnsawn ing. 

Thupatna

          Zomi leh Music, ahih kei leh Zomi leh tumging cih thulu tawh kisai-in ZoLUS editor in Chief Prof C Thang Za Tuan, PhD tung tawnin lai suahsak theih nading phalna ngah ka hih manin Prof C Thang Za Tuan leh ZOLUS committee mimal kim tung le, i biak Pasian tungah lungdamna hong ko masa nuam hi.

          Leitung ah, minam khatin apiang mi khempeuh in Ngeina(Culture) kinei kim ciat a, tua i ngeina sungah i neih loh a phamawh thu khatin, Tumging (instrument) khatpeuh peuh a kihel loh a ngeina picing cih a om thei lo na hi mawk hi.

         Minam kimciat in ngeina laam (Cultural Dance) kinei kim tek a, tua i ngeina laamte pen a picnin' theih nadingin a tah (beating), a aw (voice), a awkhum (melody), a aw luanzia kituak a sak diamdiamna (harmony), cihte kihel loin, ngeina laam, ngeina la, tumging cihte picing thei ngei lo hi. Tua ahih manin Music i cih limlim le Mihingte pen a kikhen thei lo a kizawitawn akizom den na hi mawk hi.

         Ei Zokam in Music cihna lian i lawhna a tuamin a om tuan kei aa, Mangkante in, a gingkhia thei tumtheih tuamtuam a, a kibawl nate pen' instrumental' ci-in, tua instrumental a kici tumging teng khempeuh a kigawm a a lawhna' music' ci-in amin nam nihin lawhna nei se uh hi.

          Zokamin Music le Instrument pen a nih a a huam tuak dingin Tumging ahih kei leh i Zokam mahmah in Music ci-in i zang khawm lel hi.

No1. Music i cih, Bang ai tam?

          Music i cih kammal hong piankhiatna pen, Greek kammal panin hong kipan khia hi a, Greek kamin 'Mousike' kici-in Mangkamin 'art of the Muses' ci-in kiletkhia kik hi. Hih Art of the Muses cih a deihna le a khiatna bulpi in,

          Khatna ah; art a khiatna, hih leitunga apiangsa nate tung panin, mihing te'n amuh khiat le a bawltawm (work of man), Gentehna in; khutsiamna lam tawh kisai-in, limsuaih siamna, um le bel bawl theihna cihte le, lungsim ngaihsut simana tawh na ahoih bawl theih geel theihna (imaginative designs), laigelh siamna lam (literature), a gingthei tumtheih tuamtuamte bawl theihna (sounds and instrumentals) cih te pawl art i cih pilna le thuthuk ngaihsutnate ah a na ki helkim hi pah hi.

          Anihna ah; muses a cih pen, Greek minamte'n a thupitsak mahmah khat uh le amau upna tawh kizui-in a na ciin, a na saan thu khat na hi-in, i gensa 'art' tawh kisai nate, a mukhia sak, ahi kei leh tuate tunga thunei, a keem, ci-in Greekte tanglai upna ahi thu le la ciapteh theihna a kem pasian tanu kua 9te (9 goddesses)ci-in Greekte taanglai upna sungah a na kep le a neih thu khat ahi hi.

          Hih a tunga thu nih sung panin, Music i cih hong piankhiatna pen, hih leitung a na khempeuh a piangsak a nungta Pasian' bawlsa nate tung panin a kingah aw (voice or sound), (the art that puts sounds together) nate tung pan in; kong khak i hon bek ciang nangawnin a ging ngeungeu khat i zak om hi, na khatpeuh i sat ahih kei leh i tah ciang cih bang, tua dan nengneng panin a ging i zak teng zong, Music hong hi pahlel hi ci-in a tomin ki mukhia thei hi.

Etkak pawlkhat

1.       Mousike, Henry George Liddell, Robert Scott, A Greet-English Lexicon, at Perseus

2.       Jump up^ Kozinn, Allen (13 August 1992). "John Cage, 79, a Minimalist Enchanted With Sound, Dies". New York Times. Retrieved.

          Aban hong zom lai ding hi ing.

Writer - Sian Kop Lian, BTh, MA

Credit - ZOLUS Magazine, No.19, 2016

Page 78-79

Share by zomicms@gmail.com

Read More

Cunsuming Fire

Writer - Tim Hughes

Tempo  - Slow

Key    - G

Scripture Reference - Hebrew12:28-29, 

                      Psalm 51:10

There much more than this,

O breathe of God come breathe within,

There much more than this,

Spirit of God we wait for you,

Fill us anew we pray,

Fill us anew we pray

        Consuming fire, fan into flame

        A Passion for you name,

        Spirit of God, fall in this place,

        Lord have your way, Lord have your way

        With us.

Come like a rushing wind

Clothe us in power from on high

New set the captives free

 Leave us abandoned to you praise

Lord, let your glory fall,

Lord, let your glory fall 

                           Listen MP3

                           Download Mp3

 

Read More